MANUFAHI-Sorte at, dadeer madrugada mais menus oras tuku 3 akontese ema sobu kioske ida, janela hetan estragu no osan mós lakon.
“Hori kalan ami la toba hein iha kios, maibe ba toba tiha iha uma no ema deskoñesidu aproveita ema na’in la iha ne’e tama husi janela hodi foti sasán” haktuir Maria ba jornalista sira iha Same, Sesta 23/06/2023.
Portantu tuir informasaun ne’ebé rekolla husi tereinu katak, iha grupu organizadu balun kalan-kalan tama ema nia uma atu foti na’ok ema nia sasán.
Situasaun ne’e akontese iha aldeia Fatuku, suku Holarua, postu administrativu Same, munisípiu Manufahi.
Akontesimentu ne’e ema deskoñesidu sobu janela keioske Implomar hodi foti sai osan kuaze dollar atus 200, pulsa kuaze dollar atus 200 no osan sigaru dollar atus 200.
Ba jornalista sira, kios na’in Maria do Rozario da Silva relata, nia keos hetan sobu husi ema deskoñesidu iha tuku tolu 3 madrugada.
Nia haktuir, ema deskoñesidu ne’e sobu janela kios husi parte estrada oin hodi tama ba kios laran foti osan rahun besik $200 resin, pulsa telefone $400 resin inklui sigaru ho folin besik $200.
Maibé iha fulan rua tutuir malu, ema deskoñesidu tama ona uma 4 no ba sasán la konsege foti tanba uma na’in hader hela. Antes ne’e deskuiñesidu na’ok uluk motor ida nune’e motor na’in buka tuir ema deskoñesidu lori fali mai motór na’in nia uma.
