SEFOPE liu husi Diresaun Nasional Empregu Estranjeiru (DNEE) hakarak fó hatene ba aplikante vaga online PALM semi-skilled ne’ebé tuir teste eskrita lian-ingles husi loron 24 Fevereiru – 13 Abril 2024 atu haree ita boot sira nia rezultadu teste iha lista aneksu.
Ami mos hakarak informa ba aplikante sira kriteria ka maneira hodi halo kategorizasaun ba kada valor ne’ebé aplika ba kada valor husi teste ne’e mak hanesan tuirmai neé:
Kandidatu ne’ebé hetan valor 85 – 100 konsidera exelente/excellent
Kandidatu ne’ebé hetan valor 70 – 84 konsidera diak los/very good
Kandidatu ne’ebé hetan valor 50 – 69 konsidera Diak/Good
Kandidatu ne’ebé hetan valor 40 – 49 konsidera Sufisiente/sufficient
Kandidatu ne’ebé hetan valor 25 – 39 konsidera La diak /poor
Kandidatu ne’ebé hetan valor 0 – 24 konsidera La diak liu/very poor
Ba kandidatu sira ne’ebé hetan valor husi 50 – 100 sei sei hatama ba sistema Work Ready Pool (Prontu atu Servisu) hodi hein oportunidade servisu ba Australia.
Tuir mai, ba kandidatu sira ne’ebé hetan valor husi 0 – 49 signifika presiza hadia ita boot sira nia abilidade lian-ingles.
Husu ba aplikante sira ne’e atu hasa’e ita boot sira nia abilidade ingles iha sentru formasaun sira minimu fulan 3 to’o fulan 6. Depois remata formasaun tenki aprezenta prova sertifikadu kursu nian ba ekipa LSU/DNEE/ SEFOPE Munisipiu hodi atualiza sira nia perfil iha sistema baze de dadus iha edifisiu SEFOPE nian. No ekipa husi SEFOPE sei nafatin halo intervista ba kandidatu sira ne’e hodi avalia sira nia abilidade komunikasaun iha lian ingles no hetan valor diak tuir kategoria ne’ebé sei determina husi SEFOPE.
NB: Lista naran ba kandidatu sira bele hare iha aneksu:
Click iha link tuir mai hodi hare naran sira tuir municipiu ida ida nian:
Aileu: http://dnee.sefope.gov.tl/…/07/Aileu-English-Test-2024.pdf
Ainaro: http://dnee.sefope.gov.tl/…/Ainaro-English-Test-2024.pdf
Atauro: http://dnee.sefope.gov.tl/…/Atauro-English-Test-2024.pdf
Baucau: http://dnee.sefope.gov.tl/…/Baucau-English-Test-2024.pdf
Bobonaro: http://dnee.sefope.gov.tl/…/Bobonaro-English-Test-2024.pdf
Covalima: http://dnee.sefope.gov.tl/…/Covalima-English-Test-2024.pdf
Dili: http://dnee.sefope.gov.tl/…/07/Dili-English-Test-2024.pdf
Ermera: http://dnee.sefope.gov.tl/…/Ermera-English-Test-2024.pdf
Lautem: http://dnee.sefope.gov.tl/…/Lautem-English-Test-2024.pdf
Liquica: http://dnee.sefope.gov.tl/…/LIquica-English-Test-2024.pdf
Manatuto: http://dnee.sefope.gov.tl/…/Manatuto-English-Test-2024.pdf
Manufahi: http://dnee.sefope.gov.tl/…/Manufahi-English-Test-2024.pdf
Oecusse: http://dnee.sefope.gov.tl/…/Oecusse-English-Test-2024.pdf
Viqueque: http://dnee.sefope.gov.tl/…/Viqueque-English-Test-2024.pdf
Se ita boot sira iha reklamasaun ruma favor haruka liu husi email enquiries.lsu.tl@gmail.com no detalle hanesan: Naran Kompletu, Data Moris, No. Serial teste, Munisipiu orijinal no numeru eleitoral.
DNEE – LSU sei la halo atendementu direita, aplikante hotu-hotu favor kontaktu liu husi email mensiona iha leten.
Mak ne’e de’it no ba ita boot sira nia atensaun no kolaborasaun diak lahaluha hato’o obrigadu wain.
Dili, 19 Jullu 2024
Prepara husi:
João Correia Pereira
Diretur Nasional Empregu Estrangeiro
Aprova husi:
Carlito do Rosario Cabral
Diretur Geral Formasaun Professional no Empregu
Autoriza husi:
Rogerio Araújo Mendonça
Secretária de Estado Formasaun Professional no Empregu
