Governu hasai ona rezolusaun ida atu kontinua suspende Grupu Arte Marsiasis ( GAM) ho Grupu Arte Rituais (GAR) sira, atu la bele kontinua sira nia atividade refere.
Tuir Primeiru Ministru (PM), Kay Rala Xanana Gusmão, hatete hasoru Prezidente Repúblika Jose Ramos-Horta hodi informa kona ba horsehik konsellu Ministrus nian, katak situasaun ida neebe governu fo apresia tebes-tebes mak ba situasaun neebe hakmatek.
Nia dehan, antes nee governu ona hasai resolusaun ida hodi suspende ona atividade grupu arte marsiais ho grupu arte rituais durante fulan neen (6), tanba nee iha fulan Abril nee kompleta ona suspende ba fulan neen.
Maibe, na realidade neebe hatudu ohin tuku 04:00 madrugada grupu arte marsiais balun ba Portu Dili, hodi ataka Ro neebe mai husi Oekusse nee, tanba nee ohin polisia kaer ona sira.
Nee duni, iha horsehik iha konsellu Ministru GRAM ho Ministeriu interior fo hatene katak husi grupu arte marsisia hotu-hotu kontente, tanba governu atu hasai rezolusaun ida, atu nunee sira bele ativa fali sira nia atividade, maibe hare katak barak la konsege iha kontrollu ba membru sira.