SAME – Asosiasaun Intelektual Manufahi (AIM) ofisialmente hala’o primeira reuniaun ezekutivu ba mandatu Abril 2026 – Abril 2029. Enkontru ne’ebé hala’o iha loron Sábadu, 18 Abríl 2029 ne’e, foka liu ba konsolidasaun interna no mós pozisionamentu organizasaun nian hasoru kestaun sosiál iha munisípiu laran.
“Estrutura AIM nafatin halo koordenasaun relasiona ho data fixadu ba handover. AIM mos sei aprezenta an ba Prezidente Autoridede ho Estrutura. Ezekutivu AIM mos sei manda karta ofisiál kona-ba relatóriu tomak ba Governu sentrál liu husi Prezidnte Autoridade Munisipál.” Afirma Abelito Vítor da Costa, Prezidente Konsellu Administrasaun AIM.
AIM Nu’udar plataforma ne’ebé halibur rekursu umanu kualifikadu, AIM hakarak transforma vizaun ba asaun ne’ebé forte hodi kontribui ba dezenvolvimentu Manufahi.
Ezekutivu AIM haktuir, Iha reuniaun ne’e, foti desizaun importante balun: Konkorda ona katak pasajen de pasta husi Ekipa Instaladora ba lideransa foun sei hala’o iha loron Sesta, 24 Abríl 2026, tuku 16:00 loraik.
Ekipa ezekutivu sei analiza no ajusta Estatutu AIM nian hodi sai relevante liután ho nesesidade atuál.
Reuniaun ne’e lidera husi kargu xave sira, inklui Prezidente Konsellu Administrasaun (CA), Abelito Vítor da Costa, no Prezidente Konsellu Jurídiku (KJ), Augusto Sarmento Dos Reis.
Pozisionamentu ba Situasaun Sosiál iha Manufahi
Alende asuntu interna, AIM mós diskute situasaun sosiál ne’ebé foin akontese iha Same, liuliu kona-ba manifestasaun pasífiku husi kondutór transporte públiku sira (Carry no Grand Max).
AIM fó apresiasaun ba diálogu ne’ebé rezulta ona akordu pozitivu entre kondutór sira ho PAM Manufahi, ne’ebé permite hikas movimentu transporte husi Same ba Kasnafar. Organizasaun ne’e afirma ninia pozisaun nu’udar “Órgaun Observadór” ne’ebé isentu no krítiku, hodi sai pontu de ligasaun entre komunidade no autoridade.
Kompozisaun Estrutura AIM (2026-2030)
Estrutura ne’ebé partisipa iha reuniaun ne’e mak: Konsellu Administrasaun: Abelito Vítor da Costa (Prezidente), Cristovão Sanches (Vise), Filomena da Costa Nunes (Sekretária).
Konsellu Fiskál: Inocêncio Xavier (Prezidente), Lucas Vieira Branco (Vise), Saturnino Magno (Sekretáriu).
Konsellu Jurídiku: Augusto Sarmento Dos Reis (Prezidente), Pascuela Martins (Vise), Sadrague da Costa Silva (Sekretáriu).
Reuniaun ne’ebé hala’o via Zoom no WhatsApp ne’e konklui katak AIM prontu ona atu asume responsabilidade tomak ba administrasaun no finansa hafoin serimónia ofisiál iha semana oin.(*)
 ofisialmente hala’o primeira reuniaun ezekutivu ba mandatu Abril 2026 – Abril 2029. Enkontru ne’ebé hala’o iha loron Sábadu, 18 Abríl 2029 ne’e, foka liu ba konsolidasaun interna no mós pozisionamentu organizasaun nian hasoru kestaun sosiál iha munisípiu laran.){kind=link}