27.6 C
Dili
Friday, July 19, 2024

Buka Hatene Fukun, Alkatiri Bolu Urjente Administrador Manufahi

Must read

DILI-Administrador Munisipiu Manufahi hetan xamada urjente ida hodi mai Komite Sentral Fretilin (CCF) no rona lia ruma hosi sekretariu jeral Fretilin, Mari Alkatiri kinta, (16/03/2023).

Admnistrador Arantes Isaac ho urjente tenke mai rona no buka solusaun ba dezentendementu entre TIMOR GAP ho TIMOR RESOURCES  ba Perfurasaun mina-matan iha blóku C Foho Ailico Munisipiu Ainaro no Manufahi.

Enkontru urjente refere dura oras ida  hahú iha oras 17:43 lorokraik remata iha oras 18:43.

“Ha’u mai hasoru eis PM no fundadór estadu Dr.Marí Alkatiri, tanba baseia ba notísia kona ba dezentendementu Timor Gap no Timor Resources…ne’ebé News Roman ba sosiedade ARS públika, no informasaun refere Dr.Mari Alkatiri hatene, entaun ho informasaun hirak ne’e, hanesan servidór povu iha Munisípiu Manufahi, presisa tebes atu hetan mós klarifikasaun” haktuir Arantes hafoin remata Alkatiri iha Dili.

 

Administradór Arantes klarifika, Mari Alkatiri hateten katak, situsaun ne’ebé mosu entre Timor Gap no Timor Resources Alkatiri rasik, hetan ona informasaun no hatene kona-ba situasaun ne’e, no antes ne’e sua  Alkatiri  konvóka ona inkóntru ho empreza mina rua nee.

Tuir afirmasaun ne’ebe Arantes rona, Dr. Marí Alkatiri rasik hateten katak, sei esfórsu atu solusiona situasaun ida ne’e ho didiak, tanba kazu ne’e rasik TR lori ona ba tribunal.

 “Sua exelénsia Dr.Marí Alkatiri ohin hateten, problema ne’e la’ós problema foun, tanba ne’e Dr.Marí Alkatiri husu ba povu Manufahi atu kálma, no fó fiar ba Dr. Marí Alkatiri tenta buka solusaun hodi rezolve iha tempu badak,” haktuir Administrador ne’e.

Entertantu tuir informasun ne’ebé News Roman ba sosiedade (ARS) asésu, iha tempu badak Ministru Petróliu minarais sei vizita Munisipiu Manufahi, hodi halo isplikasaun ba autóridade no komunidade Munisipiu Manufahi, kona ba programa Perfurasaun blóku C Foho-Ailico inklui dezentendementu ne’ebé .mosu entre TIMOR  GAP ho TIMOR RESOURCES.

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article