DILI – China lansa ona “Vistu ASEAN (Asosiasaun Nasaun sira Sudeste Aziátiku nian)” ba nasaun 10 ASEAN nian no observadór ASEAN nian Timor-Leste, hatete hosi porta-vós Ministériu Negósiu Estranjeiru Xinés nian, Lin Jian, iha konferénsia imprensa regulár ida, iha loron-tersa ne’e.
Tuir Lin, China sei fó sai kategoria korrespondente “Vistu ASEAN” nian ba pesoál emprezariál sira hosi nasaun 11, nune’e mós sira nia kaben no oan sira, ne’ebé kumpri rekizitu sira. Vistu ne’e sei permite entrada oioin iha tinan lima nia laran no períodu másimu ida ba estadia loron 180.
Lin hatete katak “vistu ASEAN” ne’e lansa ho baze hosi izensaun vistu mútuo abranjente ho Singapura, Tailándia, Malázia no nasaun sira seluk no emisaun hosi “vistu Lancang-Mekong” ba nasaun sira hosi mota Mekong, ho objetivu atu fasilita liután movimentu transfronteirisu hosi ema sira iha rejiaun laran.
Iha tinan hirak ikus ne’e, harii komunidade China-ASEAN ho futuru ne’ebé fahe avansadu beibeik, no realizasaun importante sira halo ona hodi harii hamutuk uma komún ne’ebé iha dame, trankuilidade, prosperidade, ambiente furak, no amizade, Lin nota.
Nota katak China no nasaun sira iha Sudeste Aziátiku iha troka pesoál beibeik, Lin hatete katak fasilita liután troka pesoál sira maka aspirasaun komún ida ba parte rua.(fonte Xinhua)
