29.6 C
Dili
Tuesday, May 21, 2024

EUA Esforsu atu Apoia Dezenvolvimentu Portu Dili hodi Promove Turizmu Parseria Públiku Privadu sei foka liu ba investimentu Foun iha Portu Dili

Must read

Dili, 28 Marsu 2023 – Enkaregadu Negósiu EUA, Tom Daley entrega planu transformasaun portu tuan Dili ba sentru ekonómiku multi funsaun ba Ministru Transporte no Komunikasaun, Jose Agostinho da Silva. Planu foun Portu Dili nian ne’e sei utiliza kapitál husi setor privadu atu revitaliza korridór urbanu iha portu antigu ne’e atu bele kria reseita no oportunidade empregu ba Timor-Leste.

“Hanesan Dili nia koroa ne’ebé furak hodi hateke ba ilha Ataúro, Portu Dili oferese oportunidade boot hodi kria valór ekonómiku no progressu dezenvolvimentu, no ha’ u orgullo tebes ba apoiu Estadus Unidus nian ba ita-nia serbisu atu revitaliza portu ne’e,” Ministru Transporte no Komunikasaun, Jose Agostinho da Silva hateten. “Investe iha revitalizasaun Portu Dili nian sei transforma portu ne’e hodi kria oportunidade empregu rihun ba rihun, inklui konstrusaun no dezenvolvimentu urbanu.”

“Setór privadu nu’udar parseiru importante ida iha dezenvolvimentu Timor-Leste nian, no Estadus Unidus iha kompromisu atu promove setór privadu nia envolvimentu iha planu ida ne’e,” Enkaregadu Negósiu EUA, Tom Daley hatenten. “Dezenvolvimentu Portu Dili nian nu’udar ezemplu di’ak ida konaba oinsá setór públiku no privadu sira bele serbisu hamutuk hodi revitaliza fatin ida ne’ebé mak seguru liu iha Timor-Leste hodi habelar prosperidade ekonómika ba Timoroan sira hotu.”

Liu husi Projetu Turizmu ba Ema Hotu, Estadus Unidus apoia ona Governu Timor-Leste atu dezenvolve setor turizmu liu husi promosaun rikusoin kultural no beleza natural nasaun ne’e nian. Komponent importante ida iha projetu ne’e mak estimula investimentu privadu no hametin sustentabilidade longu prazu ho apoiu ba objetivu sira kresimentu ekonómiku nasional no diversifikasaun nian.

Iha tinan 2019, USAID asina ona akordu ida ho Autoridade Portuariu Timor-Leste nian atu hahu konseitu dezenvolvimentu Portu Dili. Liu husi Projetu Turizmu ba Ema Hotu, USAID hahu estudu preliminár ne’ebé Konsellu Ministrus aprova ona iha Setembru 2022. USAID finansia estudu viabilidade ida, mapamentu ba aprovizionamentu, no estudu impaktu ambiental/sosial ba estimasaun dezenvolvimentu ida ho valor millaun $100.

###
Kona-ba USAID: Dezde 2000 USAID fornese ona liu millaun $ 323 atu apoia Timor-Leste hodi harii ekonomia ida ne ‘ebé inkluzivu no sustentável liuhosi haluan oportunidade ekonómika ba feto no joven sira, apoia setór privadu iha setór xave sira ba kresimentu ekonómiku no hadiak oportunidade ba kresimentu setór privadu.

Atu hatene liu tan informasaun, kontaktu: Tim Johnson, Xefe Asuntu Públiku, Embaixada EUA Dili,
[email protected], +670 77193389

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article