28 C
Dili
Saturday, May 18, 2024

Timor (Shanghai) International Trade Firme Reprezenta TL Iha Expo CIIE

Must read

SHANGHAI-Iventu espozisaun komérsiu klase mundiál China International Import Expo (espozisaun Importasaun Internasionál China) baze iha Shanghai hakat ba dala hitu ona, Timor-Leste la lakon prezensa tanba ofisialmente reprezenta hosi kompañia Timor (Shanghai) Intenational Trade Co.ltd.

Identidade Timor-Leste reprezenta hosi Timor-Leste National Pavilion ne’ebé jere hosi empreza Timor (Sanghai) International Trade Co.ltd, Li Ziqiang (Jacky) ho Bei Lei ho sira ninia oan feto ho naran Ela (sei bebé moris iha HNGV Dili).  

“Ami tinan-tinan hola kafé hosi Timor maibé kuantidade kontentór la barak, ami dala ruma  husu kontentór rua ou liu maibé ami ninia kliente fo mai ami kontentór ida de’it” haktuir Bei Lei ba Timor Post iha Expo CIIE 2023 iha Shanghai.

Produtu Identidade

Tuir observasaun direta Timor Post iha National Exhibition and Convention Center (Shanghai)  haree produtu kafé hosi Timor ne’ebé sosa hosi kompañia fornesedór Timor Global, aleinde ne’e produtu seluk hanesan Tumerik (Kinur) no temperus ho naran Black Paper.

Nota Memorandu

Estadu Timor-Leste liu hosi Embaixada RDTL iha Beijing hasai karta autorizasaun ba empreza Timor (Shanghai) Intenational Trade Co.ltd. hodi rekoñese reprezentasaun empreza ne’e iha Paviliaun Nasionál Timor-Leste ninian hanesan plataforma no promove atividade ekonomia Timor-Leste ninian. Karta autorizasaun refere asina hosi eis embaixadór Plenipotensiáriu RDTL (Atual Ministru Negosiu Estanjeiru Kooperasaun MNEC ) Bendito dos Santos Freitas iha 28 Outubru 2019.

Expo CIIE Forum

Ajuda Governu

Estadu Timor-Leste ofisialmente liu hosi Embaixadór Timor-Leste ba China, Abrão dos Santos iha 6 Maiu 2021 halo proposta hodi husu orsamentu ba Li Ziqiang (Jacky) hosi National Pavilion Timor-Leste atu ajuda Estadu Timor-Leste hodi hakmaan tulun vítima hosi Lalubur (Banjir) 04 Abríl 2021.

Koñese Expo CIIE

Harii iha tinan 2018, no Expo CIIE hala’o tinan-tinan iha  National Exhibition and Convention Center (Shanghai). Organizadora maka Minstériu Komérsiu Repúblika Popular China, Governu municipal Popular Shanghai. Eventu ne’e parseria hosi  World Trade Organization, United Nations Conference on Trade and Development, United Nations Industrial Development Organization. Iha Maiu 2017, Prezidente China Xi Jinping anunsia iha Belt and Road Forum ba Kooperasaun internasionál tinan tuir mai China organiza kedas Expo CIIE hahú hosi 2018.

Ho nune’e China iha papél forte ho misaun tulun iha atividade liberaliza komérsiu no ekonomia global ho ativu hodi tama iha merkadu China ninian, aleinde ne’e promove komérsiu global hodi dudu kresimentu ekonomia mundu ida ho nakloke ho nune’e produtu agrikola hosi Timor-Leste mós hetan fatin.

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article