Primeiru Ministru Kay Rala Xanana Gusmão, iha segunda (08/04) bolu Prezidente Autoridade Rejiaun Adminisstrativa Espesiál Oe-Kusi Ambenu (RAEOA) Rogério Tiago Lobato, hodi aprezenta kazu aviaun Zona Espesiál Ekonomia Merkadu Sosiál (ZEEMS) iha palásiu Governu.
“Problema kona bá aviaun ne’e, ema sira hosi Canada hanesan pilotu no enjeñeiru, sira bá apaga tiha rejistu aviaun nian iha aviaun nia lolon”, informa Rogério Lobato, informa ba jornalista sira hafoin remata enkontru PM Xanana, iha Palacio Governu Dili.
Ida ne’e buat ida sira labele halo tanba aviaun ne’e patrimóniu Estadu Timor-Leste nian. Asaun ne’ebé sira halo ne’e asaun ilegál no ida ne’e bele konsidera krime tanba sira halo buat ida la loos.
Rogério Lobato mós esplika bá Primeiru-Ministru kona-bá despeza boot ne’ebé fulan-fulan tenke selu atu ema sira hosi Canada bele kaer aviaun ne’ebé na’in mak Timor-Leste, maibé problema boot ida maka Estadu Timor Leste sosa aviaun ne’e gasta millaun $7.6 no to’o agora seidauk hetan resivu.
Hanesan Autoridade másimu iha RAEOA, preokupadu tanba Durante tinan-10 ne’e aviaun ne’e sé nian loos tanba Estadu Timor Leste sosa kotu ona aviaun ne’e no lo loos Timoroan mak tenke kaer resivu ne’e maibé to’o oras ne’e buka la hetan.
