27.9 C
Dili
Friday, April 12, 2024

SAMES Husu Órgaun Soberania Solusaun Problema Ai-Moruk

Must read

DILI-Problema stock out ba ai-moruk kontinua iha armazein servisu autónomu medikamentu ekipamentu saúde (SAMES) no mós fasilidade sira iha Munisípiu, diretór ezekutivu SAMES ezije ba órgaun soberania sira atu buka solusaun ba stock out.

Ezekutivu SAMES Santana Martins, afirma Konsellu diretiva SAMES sei reúne hodi aprezenta lista balu ba iha Ministra saúde, hodi bele foti desizaun para bele kompras medikamentu lalais liu.

Tanba prosesu aprovizionamentu ita boot sira hatene rasik presiza tempu, ho ida ne’e mak parte SAMES ho kompañia importadór sira presiza haree ida ne’e ho didi’ak.

“Entaun ho situasaun stock ida hanesan ne’e, ami konsellu diretiva prontu foti desizaun para avansa ho maneira oinsá hodi bele lori lalais ai-moruk ne’e mai”, nia hato’o asuntu ne’e hafoin remata lansa ai-han super serial iha SAMES Kampu Alor, Segunda (27/02).

Agora iha tempu ne’ebé mak udan eleisaun parlamentár, ne’e buat balu ne’ebé mak presiza atu kuidadu bele trata ho lalais maibé trata ho kuidadu.

Lideransa SAMES ne’e aprezenta, Orsamentu Durante ne’e sira estabelese tiha millaun 2 USD, maibé husi orsamentu ne’ebé mak mai husi 2022 nian ne’e kuaze millaun 1 USD resin.

Maizumenus ita prosesu ba avansu ba projetu sira ne’e kuaze ke iha millaun 3.5 USD ate millaun 4 USD, tanba orsamentu mak ne’e de’it ona.

“Ami nia esforsu mak ne’e ami tenke prosesu lalais uitoan, para ami bele rekere tan ba orsamentu adisional, karik governu disponivel atu bele apoiu, se labele apoiu liuhusi fundu kontinjénsia COVID, ita la’o tuir buat ne’ebé mak iha”, nia afirma.

Dala ruma kestaun ai-moruk stock out imi rekere ba SAMES, maibé sira mós husu ba ita boot sira atu rekere mós ba iha órgaun soberania sira hodi bele fó solusaun ba situasaun stock out ne’e.

Situasaun stock out ai-moruk ne’e nafatin laiha mudansa stock out porsentu 30, atu garante stock ne’e ba oin mak sai dezafiu ba SAMES, ida tanba mudansa rejime aprovizionamentu, rua prosesu sira tama ba deliberasaun ne’e.

Santana hatete, ida ne’e la’ós fó sala de’it ba kompañia, maibé problema ekonomia mundiál ne’e kontribui so iha TL mak ita la sukat no la tetu katak funu Ukránia no Rúsia la impaktu ba kompras ai-moruk.

Maibé iha SAMES sente katak funu husi nasaun rua ne’e sente nia implikasaun ba kompras ai-moruk, maibé sira hanoin katak dezafiu ne’e iha, liuliu asegura situasaun stock ne’e.

Iha loron hira liu ba diretór servisu saúde munisípiu sira aprezenta problema ai-moruk munisípiu iha salaun Oka Ruddal husi laran, hanesan Diretór ezekutivu SS Manatutu Mateus Vicente Correia, informa ai-moruk estabelese iha servisu saúde Manatutu hamutuk 262 item mak iha Manatutu, ai-moruk sira nee mak durante atende pasiente sira.

“Husi 262 item nee mak iha 59 item ami stock out, entaun por volta 22.7% mak stock out”, Diretor Saude Manatutu informa ba jornalista sira, Sesta (23/02) iha salaun Oka Rudal Hudi Laran.

Item 59 nee kompostu husi ai-moruk paracetamol, Amoxeline, ibuprofen, prometazine, sira nee mak Durante nee stock out, maibé pedidu husi munisípiu hatama ona hodi hein resposta.

Nune’e mós diretór servisu saúde munisípiu Ermera Joni Alves dos Santos, hatutan liga ba stock out ai-moruk iha munisípiu Ermera, iha item 72 mak rejista iha ne’ebá.

“Husi tinan kotuk mai too fulan Fevereiru tinan nee ita iha item 11 mak nafatin stock out” nia informa. (61L)

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article