28.6 C
Dili
Monday, May 20, 2024

Governu Ho Alternativa Destrui Susu-Been

Must read

DILI-Ministru Finansas (MF), Rui Augusto Gomes, hateten iha alternativu rua, primeiru kuandu importadór sira la selu impostu no segundu la re-esporta fali produtu susu-been governu sei foti medida halo destruisaun.

“Ita hotu hatene katak kualkér sidadaun tenke submete ba lei, pagamentu de impostu ne’e obrigasaun sidadaun, konsumidór, investidór, sira mós tenke selu,” deklara Ministru Finansas, hafoin remata audiénsia ho Primeiru Ministru (PM), Taur Matan Ruak, iha Palásiu Governu, Segunda (27/02).

“Ha’u rona dehan katak kontentór sira ne’ebé tama mai ne’e, barak liu mak susu-been ida ne’ebé ke kahur barak liu ho masi-midar, ida ne’e mak ita nia problema,” sita ministru ne’e.

Nia hatutan, tanba ne’e mak governu fó alternativa ba sira, mak re-esporta, selu impostu fazeadamente no terseiru mak sira la halo tuir alternativu rua ne’e, governu sei halo destruisaun.

“Entaun ita fó alternativa ba sira primeiru sira re-esporta, segundu sira selu impostu ida ne’e fazeadamente ou terseiru sira karik lakohi halo buat rua ne’e hotu sira sei entrega mai governu, no saida mak governu sei halo maka avansa ba destruisaun,” nia fó hanoin.

Tanba implikasaun ba konsumidór sira ne’ebé konsumu bebida no asucarada sira ne’e, sei fó implikasaun ba moras diabetes, kolesteról no seluk tan. No ida ne’e sei sai kustu ida todan ba estadu. (jho)

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article