27.5 C
Dili
Friday, April 12, 2024

Governu Abandona Foho Ramelau

Must read

  • DILI-Reprezentante povu iha uma Fukun Parlamentu Nasionál, Antonio Conceição preokupa ho asaun governu liu-liu ministériu tutela turizmu liga ba insidente ema lakon no mate iha sítiu turizmu foho Ramelau.
  • Dom Virgílio esplika, durante ne’e MTCI seidauk tau pesoál seguransa iha fatin refere hodi kontrolu visitor sira ne’ebé ba vizita iha fatin refere ikus mai mosu problema ne’ebé akontese juventude sira na’in rua lakon vida.
  • Polisia Nasionál Timor-Leste (PNTL) Munisípiu Ainaru, liuhusi Departamentu Investigasaun Nasionál halo ona investigasaun ba joven sira ne’ebé ba hamutuk ho matebian Riando Falo ho Orlando Martins hodi ba vizita na’in-feto Ramelau, hodi nune’e ikus mai joven na’in-rua ne’e lakon vida.

DILI-Reprezentante povu iha uma Fukun Parlamentu Nasionál, Antonio Conceição preokupa ho asaun governu liu-liu ministériu tutela turizmu liga ba insidente ema lakon no mate iha sítiu turizmu foho Ramelau.

 “Governu tenke fó atensaun ba situasaun sira hanesan ne’e, tau nafatin protesaun ba ninian sidadaun sira hotu”, afirma deputadu PD ne’e iha uma fukun Parlamentu Nasionál, Tersa (21/02).

Nia Konsidera, falta kontrolu governu liu husi MTCI atu estabelese netik mekanizmu ruma hodi hatene ema sira ne’ebé sempre ba vizita iha ne’ebá.

“Hanesan akontese ba alin na’in rua ne’e, ne’e hanesan fó lisaun ida ba ita, liu-liu ba Ministériu do Turizmu atu kria mekanizmu ida” sita deputadu ne’e.

Nia korrije, loloos MTCI tenke hatene peregrinu sira ba Ramelau fila ona ka seidauk, se ema ruma lakon iha foho boot hanesan Ramelau sá tan ema hosi sidade lakon de’it loron ida moos sai ona situasaun pior.

Husu Monta Seguransa

Sikun seluk, Arsebispu Arkidioseze Dili Dom Virgílio do Carmo da Silva husu, ba Ministériu Turizmu Komérsiu Indústria MTCI monta pesoál seguransa iha fatin turístiku Ramelau.

Dom Virgílio esplika, durante ne’e MTCI seidauk tau pesoál seguransa iha fatin refere hodi kontrolu visitor sira ne’ebé ba vizita iha fatin refere ikus mai mosu problema ne’ebé akontese juventude sira na’in rua lakon vida.

“Tanba ne’e maka ami husu, ba governu liu husi MTCI ba oin kria lei no monta ekipa pesoál seguransa metin iha fatin refere, hodi bele kontrolu no tau matan ba obra ka ai-horis iha fatin refere”, dehan Arsebispu Arkidioseze Dili Dom Virgílio do Carmo da Silva ba, Timor Post iha eskola Saun Pedro Komoro, tersa (21/02).

Governu maka kria regra rigorozu hodi implementa iha fatin turizmu refere hodi bele regula visitor ka turista ne’ebé ba vizita iha fatin refere. tuir loloos kazu hanesan ne’e labele akontese iha fatin lulik ida ne’e maibé, tanba menus kontrolu husi governu no laiha regra no lei ne’ebé rigorozu hodi implementa iha fatin refere, entaun visitor sira uza fatin relijiozu ne’e hanesan fatin turizmu bai-bain.

Entaun visitor ba vizita fatin refere ho intensaun oi-oin no la konsidera katak, fatin refere ne’e na’in feto maka tau iha fatin ne’e no la konsidera katak fatin ne’e santu ikus mai mosu dezastre maka ema hotu foin hakfodak,

Portantu Arsebispu ne’e esplika, igreja la halo regra foun ba visitor sira atu ba vizita iha fatin refere tanba iha tinan hirak ba kotuk fatin turizmu iha Ramelau ne’e Ministériu Turizmu Komérsiu Indústria maka kontrolu ba iha fatin refere.

Investiga Kolega Sira

Polisia Nasionál Timor-Leste (PNTL) Munisípiu Ainaru, liuhusi Departamentu Investigasaun Nasionál halo ona investigasaun ba joven sira ne’ebé ba hamutuk ho matebian Riando Falo ho Orlando Martins hodi ba vizita na’in-feto Ramelau,  hodi nune’e ikus mai joven na’in-rua ne’e lakon vida.

Portavós komandu Jerál PNTL, Superintendente xefe Arnaldo de Araújo, hatete PNTL Munisípiu Ainaru, liuhusi Departamentu Investigasaun Nasionál halo ona investigasaun ba joven sira ne’ebé ba hamutuk ho matebian Riando Falo ho Orlando Martins hodi ba vizita na’in-feto Ramelau, hodi nune’e rezulta joven na’in-rua ne’e lakon vida.

“Sim, polisia halo ona investigasaun ba ida ne’e, maibé ita la hatene sira hasai foto iha tempu ne’ebá duni ka ou tempu antes tiha ona, tanba ne’e fó tempu ba polisia atu hare ho ida ne’e ho didi’ak, atu nune’e prosesu ida ne’e la’o  ho di’ak no justu, tempu badak ita hotu bele hatene tanba saida mak akontese joven rua ne’e mate,” dehan nia ba jornalista sira iha komandu jerál PNTL, Kaikoli Dili, Tersa (21/02).

Nia haktuir, prosesu autópsia ba joven na’in-rua ne’e hotu ona no parte HNGV entrega ba iha família iha loron (18/02) no lori ona ba sira nia knua Oekusi no iha momentu ne’ebá halo kedas funebre.(pj9/bet/asb)

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article