Prezidente Xina, Xi Jinping, sei halo vizita estadu nian ba Fransa.
Durante nia vizita, Xi sei hala’o diskusaun ho Prezidente Fransa Emmanuel Macron, Prezidente Serbia Aleksandar Vucic, no Prezidente Hungaria Tamas Sulyok no Primeiru-Ministru Viktor Orban, no sei halo troka hanoin kle’an kona-ba kestaun sira ne’ebé relasiona ho relasaun bilaterál no relasaun Xina-UE, nune’e mós kona-ba kestaun internasionál no rejionál sira ne’ebé iha preokupasaun komún, tuir Lin Jian, portavós Ministeriu Negósiu Estranjeiru, iha briefing ba imprensa iha Segunda lokraik.
Xi nia vizita ba Fransa sei sai hanesan vizita estadu daruak husi Xina. Xefe Estadu ba Fransa hafoin tinan lima.
Lin hatete: “Hahu ho aniversáriu ba dala 60 atu harii relasaun diplomátika entre Xina no Fransa, importante tebes atu harii relasaun bilaterál iha pasadu no loke futuru ba relasaun bilaterál.”
“Xina hein atu servisu hamutuk ho parte Fransa hodi aproveita vizita ne’e nu’udar oportunidade ida atu hametin liután konfiansa polítika ba malu, hametin solidariedade no kooperasaun, dudu parseria estratéjika komprensivu Xina-Fransa nian ba nivel foun, no injeta impaktu foun ba dezenvolvimentu saudavel no estavel relasaun Xina-UE nian”Lin hatutan.
Xi nia vizita sei sai nu’udar nia segundu iha rai ne’e hafoin tinan ualu. “Prezidente Xina no Prezidente Vucic sei ko’alia kona-ba hasa’e pozisaun ligasaun bilaterál sira-nian no hatudu kursu relasaun sira ne’ebé sei dezenvolve iha futuru” dehan Lin.
Liuhusi vizita ne’e, Xina hein atu hametin liután amizade, hametin konfiansa polítika ba malu no habelar kooperasaun pragmatika.
Haree tiha tinan ida-ne’e marka aniversáriu ba da-75 husi estabelesimentu relasaun diplomátika entre Xina no Hungaria, Lin hateten katak Xi nia vizita ba Hungaria sei dudu relasaun bilaterál ba nivel foun, loke kapítulu foun ida ba amizade no kooperasaun Xina-Hungaria, no injeita momentum foun ba dezenvolvimentu relasaun Xina-UE. (Fonte:CGTN)
