Honiara, Ilhas Salomão — Opozisaun iha Ilhas Salomão akuzasaun Austrália kona-ba interferénsia iha polítika doméstika, depois de mensajen testu ida ne’ebé kontén detallu kona-ba negosiasaun tratadu entre nasaun rua sai ba públiku.
Deklarasaun hosi Opozisaun hatete katak komunikasaun entre Komisaun Altu Austrália no Vice-Primeiru Ministru Ilhas Salomão, Francis Sade, lori preocupasaun boot no parese hatudu tentativa atu uza fundus hosi Austrália hodi influensia rezultadu votasaun kona-ba moção de censura hasoru Primeiru Ministru.
Maibé, Sade rejeita akuzasaun hirak-ne’e. Nia hatete katak mensajen ne’e mak atualizasaun kona-ba rezultadu pozitivu hosi negosiasaun tratadu no la bele uza hanesan arma polítika.
Asuntu ne’e mosu iha momentu ne’ebé moção de censura hasoru Primeiru Ministru Matthew Wale hetan retirada, iha tempu hanesan negosiasaun tratadu remata. Austrália konkorda iha prinsipiu kona-ba pakote akordu ho valor to’o dólar amerikanu biliaun ida.
Oliver Nobetau, Research Fellow hosi Lowy Institute, hatete katak akordu ne’e iha relasaun ho esforsu atu limita asesu estratéjiku China iha rejiaun Pasífiku.
Nia hatete katak akordu bilaterál sira ne’ebé asina durante fulan 12 ikus ne’e iha tendénsia komún, inklui kooperasaun ho parseiru estratéjiku no tentativa atu impede nasaun terseiru sira hetan asesu estratéjiku ba rejiaun.
Nobetau mos konsidera katak posível atu akordu ne’e inklui linguagem kona-ba Austrália nu’udar parseiru seguransa preferidu ba Ilhas Salomão.(ABC PACIFIC)
