DILI – Militante Partidu KHUNTO hato’o pedidu 5 hodi husu José dos Santos Naimori Bukar ‘tebe-sai’ deputada Olinda Guterres husi Bankada no Partidu KHUNTO.
Liuhusi konferensia imprensa, Vise Prezidente Organizasaun Juventude Partidu KHUNTO, Mario de Oliveira hatete, organizasaun Juventud partidu KHUNTO lamenta ho deklarasaun husi deputada Olinda Guterres nian.
“Ami husu ba konsellu lideransa Superiór atu hasai Señora deputada husi partidu no hasai husi Bankada KHUNTO,” dehan Vise Prezidente Organizasaun Juventude Partidu KHUNTO, Mario de Oliveira ba jornalista sira liuhusi konferensia imprensa iha sede Manleuana, Kinta (15/02).
Nia Hatutan, ho deklarasaun Depautada Olinda Guterres iha Loro 13 fulan Fevereiru 2024, ne’ebé hatudu momos katak laiha maturidade polítika no inkapasidade hodi reprezenta partido KHUNTO Iha Parlamentu Nasional.
Nia akresenta, Depautada Olinda Guterres hetan konfiansa husi Lider Supremo Partidu Khunto no Prezidente Partidu KHUNTO ba iha iha lejislasaun da lima (V) no da nên (VI) núdar deputada ne’ebé eleitu husi partidu KHUNTO rasik.
Sira haree, Deputada Olinda Guterres ohin loron nega, no du’un matak no koko atu hadau Partidu KHUNTO husi Lider Supremu partidu KHUNTO atual inisiador no Fundadór úniko ba Partido KHUNTO refere, tuir rezolusaun nú 18/KM-P-KHUNTO/3/2020 loron 7 fulan marsu segundu alterasaun estatutu partidu Khunto 2015, iha artigu 15.
“Deputada Olinda Outerres la intende no la kompriende estatutu partidu KHUNTO relasiona ho nomeasaun xefe bankada iha parlamentu nasionál; tuir artigu 16-F, númeru 2 katak “Xefe bankada Hetan nomeasaun husi Lider Supremo de partidu khunto” dehan nia.
1. Husu ba konsellu Lideransa Superior partidu Khunto bele fo demisaun ba Sra. Deputada Olinda Guterres husi bankada KHUNTO no partido KHUNTO
2. Husu ba parte jurídiku Partidu KHUNTO nian bele halo análiza kle’an ba deklarasaun husi Sra. Deputada Olinda Guterres ne’ebé halo violasaun ba Estatutu partido KHUNTO.
3. Ami husi organizasaun Juventude Nasional Partidu Khunto Lamenta ho deklarasaun sra. Deputado Olinda Guterres ne’ebé mensiona katak KORK mak konese Naimori no Povu konese Olinda. atu dehan lolos katak iha loron 21 fulan Novembru Tinan 2015 liu husi Kongresso Nasionál partido KHUNTO iha CNE Lalini Larigutu, iha altura ne’eba sra. Olinda lahetan konfiansa husi kogresista sira, ho ida ne’e maka sra. Olinda halai sai husi kongressu tamba lahetan konfiansa husi konresista sira, ho fuan boot lider supremo nomeia direitamente sra. Olinda Guterres hodi asumi kna’arr nudar 3″ vise Prezidente Partido KHUNTO iha altura ne’ebá, tanba ne’e mak ami organizasaun juventude nasional partido KHUNTO konsidera deklasaun Sra. Olinda Guterres ne’e Falsa no laloos
4. Husu ba milintantes no simpatizante no juventude partido KHUNTO territorio Timor laran tomak katak nafatin mantein no obedese ba KHUNTO hodi lori vitoria ba futuru partido KHUNTO hodi kontribui moris diak ba povu no nasaun.
5. Husu ha koordenador munisipio 13 inklui enklave Oekusi nomos ba organizasaun filliadas do partido KHUNTO hamrik kontra Deputada Olinda Guterres. Husu ba lider supreme do partidu KHUNTO toma desizaun emidiata hodi fo demisaun ba Deputada refere.
