DILI – Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” husu ba membru F-FDTL 102 hodi kompri ierarkia Komandu no kompri irarkia sagradu hodi defende Timor-Leste.
“Imi halo juramentu ba Bandeira RDTL. Imi ida-idak tama iha organizasaun tradisionál ida ne’ebé eziste ona durante tinan 49 nia laran, hau bolu organizasaun tradisionál tamba iha tempo naruk no susar ita ultrapassa.”
Lia hiralk ne’e espresa hosi Xefe Estadu Maiór Jenerál FALINTIL-Forsa Defeza Timor-Leste (F-FDTL), Tenente Jenerál Domingos Raul “Falur Rate Laek” ba jornalista sira hafoin Membru F-FDTL 102 halo juramentu ba Bandeira RDTL iha Centru Instrusaun Comadante Nicolau Lobato Metinaro, kinta (10/10/2024).
Lider máximu F-FDTL ne’e dehan luta koletiva ida husi ita nia heroino no heroina sira ne’ebé infelizmente barak mak lakon vida iha kampu batalla no balun sei moris iha ita nia leet.
Nia husu ba membru empossadu sira wainhira hatais farda sempre tau iha hanoin kona-ba pilar rua ne’ebé apoiu ita boot sira mak hirarkia, disipliña no obedese mak pilar importante ba instituisaun.
“Servisu militár promove no defende ba dignidade humana ba patriotizmu no sivizmu ho profesionálizmu no hatudu lealdade no onra inklui onestidade no atenbrani, tau fiar iha misaun ho domin ne’ebé laiha rohan ba ita nia rai doben Timor-Leste mak sei forma imi nia karákter hahú agora kedas.”
Iha loron dahuluk inkorporasaun nian atu aviza hodi sai lembransa konstante ida ba imi nia servisu lorloron nian labele ezije regaleas sira ne’ebé instituisaun bele oferese.
