26.7 C
Dili
Saturday, May 25, 2024

Joven Besik Porsentu 40Prefere CNRT, relata Peskiza Hosi APFTL

Must read

Dili, 18/04/2023, Alumni Parlamentu Foinsa’e Timor-Leste (APFTL), ofisilamente aprezenta rezultadu survey  kona-ba partisipasaun joven iha Eleisaun ba públiku iha sede APFTL Becora Dili.

Objetivu peskiza ne’e buka hatene kona-ba joven sira nia partisipasaun polítika, konfiansa polítika no satisfasaun demokrasia. Survey ne’e aprezenta hosi Prezidenti APFTL Zaulino Gomes da Silva.

Metodologia  iha survey ne’e, uza aprosimasaun kuantitativa deskritiva no korelasional, hodi sukat relasaun sira entre variavel ida ho variavel sira seluk, ho nivel konfidensial 95% no erru marzinal 5%. Halo entrevista semi estruturada ho joven hamutuk 350 hosi munisipiu 11, maneira hili respondente utiliza metodu amonstrajen asedental.

Distribuisaun idade maka hosi 17 to’o 35, ho idade media respondente sira maka 24. Iha distribuisaun jéneru respondente sira, maskulinu iha 56%, femeninu iha 40% no non- bináriu iha 4%. Survey ne’e hala’o hahú hosi fevereiru to’o abril 2023.

KONKLUZAUN

konfiansa polítika ba lider partidu sira ho satisfasaun ba Sistema demokrasia iha Timor-Leste simultaneamente iha influensia 4,2% hodi forma jovens sira nia partisipasaun polítika, no restante 95,8% nia kontribuisaun hosi variavel seluk sira ne’ebé la mensiona iha peskiza ida ne’e.

konfiansa polítika ba lider partidu sira iha efeitu parsialmente signifikativu ba jovens sira nia partisipasaun polítika. Nune’e mos ho variavel satisfasaun ba Sistema demokrasia iha Timor-Leste mos iha influensia parsialmente ba variavel independente.

Edukasaun, Infraestrutura no saúde sai hanesan assuntu sira ne’ebé jovens sira prefere presiza hetan atensaun maka’as liu. Iha mos assuntu  seluk hanesan ekonomia, kampu traballu, sosiál no agrikultura, konsidera nu’udár prioridade hafoin assuntu tolu ne’ebé temi ona.

Média resposta hosi jovens sira maka hatan diak ba prezensa partidu polítiku iha komunidade. IIa fali Jovens sira-nia perspetiva kona-bá subsidiu dollar ha’at kada votu ba kandidatura Presidente Repúblika no partidu polítiku sira, media resposta hosi sira maka hatan neutru.

REZULTADU SURVEY

Iha survey ne’e hatudu  katak, joven sira-nia preferénsia hili partidu CNRT ho percentajen (39,9%), hili partidu FFRETILIN percentajen (28,5%), PD (18,3%), hili partidu KHUNTO (5,7%) no respondente (7,6%) hili seluk.

Survey APFTL nian ne’e hatudu mós razaun joven sira deside hili partidu polítiku ho persentajen (37,89 %) tamba figura, (37,58%) deside hili partidu polítiku tamba vizaun, (13,68%) tamba istoria no seluk (10,88%).

Iha survey ne’e jovens sira-nia prefrensia ba asuntu sira ne’ebe presiza Governasaun tuir mai tau prioridade maka hanesan setór edukasaun (26,96%), infrastrutura (24,24%), saúde (18,81%), ekonomia (8,15%), kqmpu traballu (7,21%), agrikultura (5,21%), social (3,13%), no seluk (6,27%).

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article