HUNAN, 13 Abril 2025 – Primeiru-Ministru (PM), Kay Rala Xanana Gusmão ho delegasaun to’o ona iha Provínsia Hunan, Repúblika Populár Xina ne’ebé simu direta hosi Governadór Mao Weiming ho ksolok.
Xefe Governu ho delegasaun semo ho Aero Dili aterra iha Aeroportu Internasionál Huanghua Changsha iha oras 16:30 no simu direta hosi Governadór Provínsia Hunan, Mao Weiming akompaña hosi Vise Prezidente Komisaun Permanente Assembleia Populár Provínsia Hunan, Wang Junshou no mós Embaixadora Xina mai Timor-Leste, Wang Wenl, Embaixadór Timor-Leste bá Xina Loro Horta, Adidu Defeza TL iha Xina, Koronél Cezário Marçal Ximenes “Haksolok”, Diretór Aero Dili, Lorenço de Oliveira, estudante Timor-oan sira iha Xina no ekipa Embaixada Timor-Leste nian iha Xina.
Governadór Provínsia Hunan Mao Weiming ho Embaixadora Xina mai Timor-Leste hato’o bem-vindo bá Xefe Governu ho delegasaun tanba bele vizita bá Provínsia ne’e bodi hametin kooperasaun ne’ebé estabelese ona ho Munisípiu Manatuto Timor-Leste iha tinan 10 nia laran.
“Bem-Vindo bá Primeiru-Ministru, Xanana Gusmão. Ami orgullu no agradese tebes bele simu ita nia vizita mai iha Provínsia Hunan nu’udár bodi bametin liu-tán kooperasaun ne’ebé ita estabelese ona,” Governadór Mao Weiming espresso iha serimónia bem-vindo.
Hosi Aeroportu, Xefe Governu akompaña hosi Ministru Administrasaun Estatál (MAE), Tomás do Rosário Cabral, Ministru Planeamentu Investimentu Estratéjiku (MPIE), Gastão Francisco de Sousa, Prezidente Autoridade Baucau, Veneranda Eurico Marques Lemos Martins, Prezidente Autoridade Munisípiu Ainaro, Manuela Georgina Carm Bucar Corte Real, Prezidente Autoridade Manatuto, Luis Inácio Henriques Fernades, Prezidente Autoridade Munisípiu Covalima, Miquel Armando Cardoso no Prezidente Autoridade Munisípiu Manufahi, Luis Marçal da Costa Tavares kontinua kedan hala’o viajen bá otél Ronyuang-Hunan.
Iha oportunidade banesan, Xefe Governu bala’o kedan reniaun ho membru Governu na’in-rua no Prezidente Autoridade sira inklui Embaixadór Timor-Leste bá Xina Loro Horta bodi diskute ajenda vizita durante loron 13 to’o 17 fulan Abril 2025.
Durante enkontru, PM Xanana ho delegasaun elabora planu no idea hosi kada munisípių atu aprezenta kooperasaun ho Autoridade Provínsia Hunan iha área agrikultura, pekuária, peska no seluk tán.
Tuir Ajenda iha parte dader loron segunda 14 Abril 2025, Xefe Governu ho delegasaun sei hala’o vizita bá Praça Mao Xedong hodi presta omenaien inklui vizita fatin istóriku no rezidénsia antiga, Mao Zedong.
Iha parte lorokraik sei hala’o vizita bá Institutu Jeologia Provínsia Hunan hodi bala’o reuniaun ho líder importante sira kona-bá kooperasaun Timor-Leste ho Hunan no atividade seluk tán.
(Média-GPM)
