DILI-Vietname nia kobertura ba rede móvel 5G hein atu atinji pursentu 99 hosi populasaun iha tinan 2030, tuir estratéjia infraestrutura dijitál nasaun nian ne’ebé foin aprova.
Rede móvel 5G sei to’o mós iha sidade sira hotu, provínsia sira, zona sira teknolojia aas nian, sentru sira peskiza no dezenvolvimentu nian, parke industriál sira, estasaun sira, portu sira no aeroportu internasionál sira to’o tinan 2025.
Sidadaun vietnamita ida-idak hein atu iha ligasaun ida ba Internet of Things (IoT) iha tinan 2025 no númeru ne’e hein atu aumenta ba ligasaun haat iha tinan lima oinmai, hatete hosi planu estratéjia.
Adosaun hosi asinatura dijitál sira entre populasaun adultu vietnamita nian iha alvu atu aumenta hosi liu pursentu 50 ba liu pursentu 70 entre 2025 no 2030, fó sai hosi Ajénsia Notísia Vietname nian iha Kinta-feira.
Estratéjia ne’e mós alvu atu opera pelumenus kabel fibra ótika internasionál foun rua iha tasi okos, forma sentru dadus intelijénsia artifisiál, no dezenvolve sentru dadus foun ne’ebé prienxe padraun verde internasionál sira to’o 2025.
