27.5 C
Dili
Friday, April 12, 2024

PM Xanana Hasoru PM Anthony Albanese Konkorda Haforsa Kooperasaun

Must read

AUSTRÁLIA, 05 Marsu 2024

Primeiru-Ministru, Kay Rala Xanana Gusmão hala’o enkontru ho Primeiru-Ministru Austrália, Anthony Albanese deskute kooperasaun bilaterál rai ruan ne’ebé estabelese durante ne’e atu haluan no hametin liután setòr importante sira ne’ebé fó benefisiu ba povu no nasaun rua nu’udar pais viziñu.

Xefe Governu Austrália, Anthony Albanese hato’o benvindo ba Xefe Governu Xanana ne’ebè hamutuk ho xefe governu no xefe estadu Asossiasaun Nasaun Sudeste Aziátiku (ASEAN) ne’ebé marka prezensa selebrasaun tinan 50 parseira Austrália ho ASEAN.

“𝐎𝐥𝐥𝐚 𝐏𝐫𝐢𝐦𝐞𝐢𝐫𝐮-𝐌𝐢𝐧𝐢𝐬𝐭𝐫𝐮 𝐗𝐚𝐧𝐚𝐧𝐚, 𝐢𝐭𝐚 𝐝𝐢’𝐚𝐤 𝐤𝐚𝐥𝐚𝐞.. 𝐞 𝐛𝐞𝐧𝐯𝐢𝐧𝐝𝐨 𝐦𝐚𝐢 𝐢𝐡𝐚 𝐬𝐢𝐦𝐞𝐢𝐫𝐚 𝐀𝐮𝐬𝐭𝐫𝐚́𝐥𝐢𝐚 𝐀𝐒𝐄𝐀𝐍 𝐧𝐮’𝐮𝐝𝐚𝐫 𝐨𝐝𝐫𝐚𝐝𝐮 𝐛𝐚 𝐀𝐮𝐬𝐭𝐫𝐚́𝐥𝐢𝐚 𝐡𝐨𝐝𝐢 𝐡𝐚𝐦𝐞𝐭𝐢𝐧 𝐤𝐨𝐨𝐩𝐞𝐫𝐚𝐬𝐚𝐮𝐧,” dehan PM Anthony Albanese, bainhira simu vizita PM Xanana iha salaun ekontru Cenru Convensaun Melbourne, Austrália.

PM Xanana kumprimenta PM Anthony Albanese

Hafoin kaer liman, Xefe Governu rai rua ho delegasaun membru governu sira kontinua hala’o reniaun bilaterál hodi deskute kooperasau rai rua nian.

PM Xanana ho orgullu agradese no hato’o parabéns ba Governu Austrália tinan ne’e sai uma na’in ba simeira Austrália-ASEAN hodi konvida mós Timor-Leste nu’udar nasaun obserbador hodi rona no aprende rai seluk nia esprensia hodi kontribui atu lori Timor-Leste hetan susesu ba futuru hamutuk ho pais membru ASEAN tomak nia apoiu.

“𝐀𝐦𝐢 𝐚𝐠𝐫𝐚𝐝𝐞𝐬 𝐭𝐞𝐛𝐞𝐬, 𝐡𝐨 𝐞𝐤𝐨𝐧𝐭𝐫𝐮 𝐢𝐝𝐚 𝐧𝐞’𝐞 𝐢𝐭𝐚 𝐝𝐞𝐬𝐤𝐮𝐭𝐞 𝐧𝐨 𝐬𝐞𝐫𝐯𝐢𝐬𝐮 𝐡𝐚𝐦𝐮𝐭𝐮𝐤 𝐧𝐚𝐟𝐚𝐭𝐢𝐧 𝐡��𝐝𝐢 𝐤𝐨𝐧𝐭𝐢𝐧𝐮𝐚 𝐡𝐚𝐦𝐞𝐭𝐢𝐧 𝐤𝐨𝐨𝐩𝐞𝐫𝐚𝐬𝐚𝐮𝐧 𝐫𝐚𝐢 𝐫𝐮𝐚 𝐧𝐢𝐚𝐧 𝐧𝐞’𝐞𝐛𝐞́ 𝐞𝐬𝐭𝐚𝐛𝐞𝐥𝐞𝐬𝐞 𝐨𝐧𝐚,” dehan PM Xanana.

Timor-Leste ho Austrália nia relasaun diplomátika no kooperasaun bilateral metin no forte tebes, dezde nasaun rua ne’e hahú estabelese nia relasaun iha tinan 20 nia laran to’o ohin.

PM Xanana agradese mós ba Governu Astrália nia domin hodi simu Timor-oan rihun kontinua servisu hodi manan esprensia oin-oin no simu estudante Timor-oan hala’o estudu iha universidade iha Austrália.

ambitu reuniaun bilateral Australia Timor-Leste

Enkontru xefe governu rua ne’e, akompaña hosi, Vise Primeiru-Ministru, no Ministru Koordenadór Assuntus Ekonómikus no Ministru Turízmu no Ambiente, Françisco Kalbuadi Lay,Minitru Negósius Estranjeirus no Kooperasaun (MNEK), Bendito dos Santos Freitas, Vise-Ministra ba Assuntus ASEAN, Milena Rangel, Embaixadór Timor-Leste ba Austrália, Inês de Almeida, Xefe Gabinete Primeiru-Ministru, Elizabeth Exposto no ekipa tekniku. Ekuandu PM Austrália akompaña hosi Ministra Negosiu Estranjerus, Penny Wong no membru governu sira.

(Média-GPM)

- Advertisement -spot_img

More articles

LEAVE A REPLY

Please enter your comment!
Please enter your name here

- Advertisement -spot_img

Latest article