Jakarta / Global — Indonézia sei kontinua sai hanesan ida husi ekonomia sira ne’ebé kresimentu lalais liu iha grupu G20, ho previzaun kresimentu Produto Internu Brutu (PIB) to’o 5.0 porsentu iha tinan 2026, tuir relatoriu OECD Economic Outlook ne’ebé publika iha fulan Dezembru 2025.
Dados sira hato’o katak kresimentu ekonomia Indonézia mantén estabil iha 5.0 porsentu iha tinan 2025 no 2026, maski kondisaun ekonomia mundiál hatudu tendénsia desaceleração.
Kresimentu ida ne’e halo Indonézia sai iha pozisaun daruak iha G20, hafoin India, no aas liu média kresimentu ekonomia G20 ne’ebé previstu hamutuk 2.9 porsentu iha 2026.
OECD hatete katak estabilidade ida ne’e mai husi konsumu doméstiku ne’ebé forte, investimentu públiku ne’ebé kontinua, no jestaun fiskál ne’ebé prudente. Inflasaun ne’ebé kontroladu no reforma estrutural sira mos ajuda aumenta reziliénsia ekonomia nasional.
Kompara ho nasaun G20 seluk sira, China sei hasoru redusaun kresimentu ba 4.4 porsentu iha 2026, Saudi Arabia previstu kresce to’o 4.0 porsentu, no Turquia sei hetan redusaun ki’ik ba 3.4 porsentu.
OECD subliña katak kresimentu ne’ebé konsistente halo Indonézia sai hanesan pilar importante ba ekonomia Sudeste Aziátiku no kontribuisaun signifikante ba kresimentu ekonomia G20.
Fonte: OECD Economic Outlook, Dezembru 2025 (via Statista)
