Artista/kompozitor múzika Timoroan sira durante ne’e hetan esploitasaun maka’as. Esploitasaun tantu mai husi entre artista maluk ka instituisaun sira.
Artista maluk bainhira kanta múzika sein mensiona ema ne’ebé hakerek múzika (kompozitor) nia naran. Instituisaun sira, dala barak uza múzika timoroan nian sein husu lisensa/autorizasaun husi kompozitor.
Uluk bainhira Lei Direto Autor seidauk iha ita bele komprende maibé agora Lei ne’e eziste ona mós sei nafatin dezvalorizasaun ba kompozitor timoroan sira. Ezemplu mak Maun Apeu Tahu Tempe nia múzika ida ema modifika tiha nia liafuan sein hetan konesimemtu husi na’in rasik.
Ha’u nia múzika sira artista maluk sira kanta iha fatin-fatin mós dala barak sira haluhan tiha nia na’in. Agora ha’u nia múzika ‘Sasin ba Rai’ media instituisaun governu balun uza hodi halo video dokumentáriu mós sein ha’u nia koñesimentu.
Ha’u lahatene atu halo saida? Tan-ne’e mak ha’u hakarak fahe sentimentu ho kolega sira hotu. Tanba frustradu uitoan pasensia Facebook mak sai fatin curhat nian.
https://www.facebook.com/artificialstudiospage/videos/356442411096715
