Díli, [Timor Today News ] — Prezidente Parlamentu Nasional Timor-Leste, Fernanda Lay, partisipa iha serimónia memória ne’ebé marke tinan 80 funu kontra agresor Japonês no funu anti-facista, ne’ebé akontese iha Beijing, Xina.
Serimónia ida-ne’e fo’ valor ba sakrifísiu povu Xina no aliadus internasionál sira iha tempu Segunda Guerra Mundu, nian, ne’ebé resisti kontra agresór Japonês no sistema facista iha década 1940.
Prezidente Fernanda Lay nia prezensa iha eventu mak hanesan sinal solidariedade no respeitu mutuu entre Timor-Leste no Repúblika Popular da China, hametin relasaun diplomátiku ne’ebé komesa depois independénsia foun iha 2002.
Iha okaziaun ne’e, Fernanda Lay mos aproveita atu hato’o mensajen solidariedade husi povu Timor-Leste ba povu Xina, no reafirma kompromisu atu kontinua hametin amizade, kooperasaun no dezenuvolvimentu mutuu entre nasaun rua-ne’e.
Timor-Leste Reafirma Relasaun Amizade no Kooperasaun ho China
Timor-Leste no Repúblika Popular da China kontínua hametin relasaun diplomátiku ne’ebé komesa depois Timor-Leste hetan independénsia iha 2002.
Timor-Leste adota politika “One China Polecy” ho hatene katak Taiwan parte integrál husi China, no iha tempu liu ba, Beijing sustenta Dili iha fora internasionál, inklui Nasaun Unidas.
Iha áree polítiku, relasaun rua-ne’e bazeia ba prinsipiu soberania no la-interferénsia, ho Timor-Leste konsidera China hanesan parceiru estratéjiku global.
China kontribui barak iha dezenvolvimentu infraestrutura públika, hanesan Palásiu Governu, Parlamentu Nasional, sede Ministériu Estrangeiru, estrada no ponte sira. Empresas husi China mos envolve iha minerál, petróleo, telekomunikasaun no agrikultura. Timor-Leste mos hatudu interese atu integra iha iniciativa Belt and Road (BRI).
Iha dimensaun edukasaun no kultura, China fó bolsa ba estudante timor-oan atu kontinua estudu iha universidáde sira iha China. Instituto Konfúsio iha Dili mos ajuda fo’ asesu ba aprendizagem língua mandarim no promóve interkambiu kultural.
Nune’e mos, eziste kritika kona-ba dependénsia liu husi ajuda China, inklui preokupasaun kona-ba seguransa traballu no impaktu ambiental. Observadór sira defende necessidade transparénsia kontratu entre Governu Timor-Leste no empresa China.
Futuru relasaun rua-ne’e sei kontinua bazeia ba amizade no kooperasaun mutuu. Timor-Leste nia objetivu boot mak hadia infraestrutura, diversifika ekonomia, no ao mesmo tempo hametin soberania nasional liu hosi diplomásia inteligente.
