Dili, 1 Agostu 2025 – Primeiru-Ministru, Kay Rala Xanana Gusmão, liuhosi Despaxu n. 014/PM/VII/2025, ne’ebé publika iha loron 31 Jullu 2025, determina medidu limitativu ba rekrutamentu no aprovizionamentu iha Rejiaun Administrativa Espesiál Oekusi Ambenu (RAEOA), ho efikásia imediatu.
Medida ne’e forma parte husi tranzisaun estrutura governatiba RAEOA ba modelu munisipál ne’ebé harmoniza ho divizaun administrativa nasional, tuir Rezolusaun Governu n. 29/2025, 18 Juñu 2025. Objetivu prinsipal mak atu promové partisipasaun komunidade lokal iha jestaun públika no ekonomika rejiaun ne’e.
Despaxu ne’e determina katak:
- RAEOA no Zona Ekonómika Espesiál Futura la bele kontrata asesór ka tékniku foun,
- La bele husu mobilidade funsionáriu públiku,
- La bele inicia prosedimentu aprovizionamentu ka halo despeza sira ne’ebé la iha relasaun direta ho jestaun lor-loron,
- Kualkér despeza, fornezimentu, servisus ka obras públikas tenke iha paresér préviu vinkulativu husi Primeiru-Ministru.
Despaxu mós estabelese katak:
- Adjudikasaun ne’ebé la’o tiha ona ka la respeita kriteriu sira iha vigor, tenke hetan paresér préviu husi Xefe Governu.
- Ba viajen estranjeiru, membru delegasaun RAEOA sei limita ba máxima 4 pesu, exetu bainhira iha justifikasaun no autorizasaun espesífika.
Governu sublinha katak medida sira ne’e iha intesaun hodi:
- Assegura jestaun transparente no responsável ba rekursu estadu nian,
- Evita gasto inefisiénte, durante faze reorganizasaun,
- Promove interesse públiku no estabilidade institusionál.
